జ్ఞాపకాల దొంతరలు

(ప్రపంచ కార్మిక దినోత్సవ శుభాకాంక్షలతో )

శ్రీ సంజీవదేవ్.-పేజి -1

రచన :నూతక్కి రాఘవేంద్ర రావు. తేది:01-05-2009.

 శ్రీ సూర్యదేవర సంజీవ దేవ్ గారి గురించి నేను చెప్పాలని ప్రయత్నించడం సూర్యుని చూపడానికి దీవిటీ వెలిగించే చందమని నాకు తెలిసినా వారితో నాకున్న కొద్దిపాటి పరిచయంతో పెంపొందిన సన్నిహితత్వం ,వుత్తర పత్యుత్తరాలు ,నా కొరకే రాసి ,నాకు పోస్ట్ చేసిన కవితలు ,వర్ణచిత్రాలు ,ఆయన జ్ఞాపకాల దొంతరలు నా మదిలో పదిలంగా. ..ఇప్పటికే ఎందఱో వారి గురించి అనేక మాధ్యమాల ద్వారా విశదపరిచినా, వారితో నాకున్న సాన్నిహిత్యాన్ని కొంత మీతో పంచుకొందామని. దుగ్ధతో .మొదటి విడతగా ఆయన గురించి…నాకు తెలిసిన సేకరించిన కొన్ని విషయాలు మీ కొఱకు …. శ్రీ సూర్యదేవర సంజీవదేవ్ గారిది గుంటూరు జిల్లా ,తెనాలి తాలూకా ,దుగ్గిరాల ఫిర్కా లోని ఓ చిన్న గ్రామం .అవడానికి చిన్న గ్రామమైనా అత్యధికులు ధనవంతులే ,విద్యాధికులే .పూర్వీకులు అమరావతీ రాజ్యాదిపతుల వద్ద మంత్రులుగా,సేనాధిపతులుగా వుండటం వల్ల గ్రామంలో అత్యధికులు విద్యార్జన పొంద గలిగారు.వీరిది కూడా ఆ తరహా వంశమే.వసుధా భాగ్యవంతులు ,భూకామందులు. .ఆ వాతావరణం లో ఆయనకు కావలిసినంత స్వేచ్ఛలభించింది.. ఆయన తన పదహారవ ఏటనే హిమాలయాలను వీక్షించాలని ఆసక్తితో అక్కడకు వెళ్లి ఆపర్వత మహాద్భుత సౌన్దర్యాలకు ఆకర్షితులై అక్కడే వుండిపోయి ప్రభుద్ద భారత్ అనే పత్రికా సంపాదక వర్గంలో పనిచేసి తరువాత కులు వాలీ లో నికోలస్ రోచి అనే మహనీయునికి అతిధి గా గడిపిన ఆ రోజుల్లో హిమాలయాల సుందర దృశ్యాలు, అద్భుత సూర్యోదయాలు అస్తమయాలు ఆయన హృదయాన్తరంగాల్లో పరివేష్టితమై అనుక్షణం ఆయనను వెంటాడుతూ వుండేవి. ఈ మహోన్నత నేపధ్యంలో ఆయనలోని కవి, భావకుడు , చిత్రకారుడు, కళా విమర్శకుడు, వేదాంతి ….తమ తమ స్థానాలను సుస్థిరం చేసుకొని,ఆయా రంగాల్లో నిష్ణాతునిగా మార్చడం జరిగింది. ఆయన సరళ ,భాషా కోవిదుడు. వివిధ భాషా ప్రఖండుడు.సృజనాత్మకత ఆయనకు జన్మతహా లభించిన వరమనే చెప్పాలి..ఆయన వాస్తవ సామాజిక జీవన రీతులను ఔ పోసన పట్టిన దార్సినికుడు. ఆయనకు ఆంధ్రా యూనివర్సిటీ వాల్తేరు వారు 1982 లో గౌరవ D.LiT పట్టా తో గౌరవించారు .ఆయన ఇంగ్లిష్ లోను , తెలుగులోనూ పలు గ్రంధాలు రచించారు.ఇంగ్లిష్ పుబ్లికేశాన్స్లో ప్రముఖ మైనవి, గ్రే & గ్రీన్ , ,బయో సింఫోని మరియు హర్ లైఫ్ .వారు మిత్రులకు ,అభిమానులకు పాఠకులకు వ్రాసిన లేఖలు ప్రపంచ వ్యాప్తంగా అభిమానుల్ని కూడగాట్టుకున్నాయి.ఆ లేఖా సంపుటాలు పలు మార్లు ముద్రణకు నోచుకున్నాయి. లేఖా రచనలో ఆయన శైలి అద్వితీయం.ఆయన జీవన శైలి, అభిరుచులు ,శ్రీ ఆనంద్.కే కుమారా స్వామినో ,శ్రీ రవీంద్ర నాధ్ ఠాగూర్ నో ,శ్రీ జిడ్డు కృష్ణ మూర్తినో జ్ఞప్తికి తెస్తాయి…

ప్రకటనలు