GSLV F6 వైఫల్యం
( క్షమార్హం కాదు,కాదు కాక కాదు.)
రచన: నూతక్కి

పరిశోధనా ప్రయోగాల

తొలిదశలో పరాజయాలు
సహజం   క్షమార్హం.
కాని ,
ఎన్నో వత్సరాల శోధనలు   ,
ఎన్నెన్నో వైఫల్యాలు
సత్ఫల ప్రయోగాలు …
ఇప్పుడు
ఎందులకీ  వైఫల్యం !…
లక్షల కోట్ల ప్రజాధన వినియోగం
ఎన్నోసంవత్సరాల నిష్ఫలఅనుభవం
చేసిన  వికటాట్టహాస విన్యాసం
ఆకలి కడుపులు అందించిన ధనం
అందున  గడించిన అమోఘ అనుభవం ,
ప్రపంచ ఖ్యాతి, గడించినా
అక్కరకు తేలేని  నిర్లక్ష్యపు క్రీనీడల్లో  .
కోట్లాది ప్రజల ఆకాంక్షలు ,
మరెన్నో కోట్ల ఆకలి కడుపుల
నిర్వేదనలు,
నింగికెగసిన
జి ఎస్ ఎల్వి ఎఫ్ సిక్స్
ప్రయోగ  శాస్త్రజ్ఞుల నిర్లక్ష్యపు
నిర్వాహకాన   కడలి కూలిన
ఆకలి కూకల ఆహారవాలు.
లెక్కలు చెప్పాల్సిన అవసరంలేదు.
ఆ  వెసులుబాటులో
ప్రజా ధనం  ,ఆకాంక్షలు,
భవితపై  పై  వారి నోట వూరిన ఆశలు
అవేవీ   తమకు పట్టనంత నిర్లక్ష్యం!!!
శాస్త్రజ్ఞుల అహంకార
నిర్లక్ష్యపు ధోరణి
క్షమార్హమా !
కాదు.కాదు
ఎంత మాత్రం కాదు.

వైఫల్యానంతరం
విచారించినా అంత మాత్రాన,
ఒరిగేదేముందని
ఆకలికి అలవాతుపడుతూ
ఆ అలవాటే అలవాటై
ఆకలి దప్పులనుండి
అనంత విశ్వం లోకి
అనంత పయనం   తప్ప.
వైఫల్యాల నుండి
పాఠాలు నేర్చుకొంటున్నామనే
భ్రమలో
ఇంకా ఇంకా ఎన్ని దశాబ్దాలు
ప్రజలను మభ్యపెట్టి
ప్రజాధన దహనకాండ ?
వైఫల్యం విజయానికి మెట్టని ……
ప్రజలను ఇంకా ఇంకా
ఎంతకాలమని
నమ్మించాలని ?
నీట మండి muniginadi
వందలు, వేలు, లక్షలు కాదు
వేల కోట్ల  ప్రజా ధనం.
ఆకలి కడుపులు ఆకళ్ళతో
మండుతూనే వున్నాయ్.
ఆకాంక్షలు నిండి వున్నా
కళ్ళల్లో
మండుతున్న ఆశల నెగళ్లు .
ప్రకృతితో బాటు  ప్రభుత్వాలూ సృష్టించిన, కష్టాల కడలిలో, చావు బ్రతుకులతో పోరు సలుపుతూ  …. కోట్లాది భారత ప్రజలు .వారికి ఏమని   ఎవరు సమాధానం చెబుతారు? వందల కోట్ల ప్రజా ధనం  త్రుటిలో  కడలి పాలు. భయంకర నిర్లక్ష్యపు క్రీనీడల్లో  ఈ తీరున  దుర్వినియోగం లో ప్రజాధనం.
భాద్యత ఎవరిదీ?
ప్రభుత్వానిదా ?
శాస్త్రజ్ఞుల దా ?
ప్రతి రూకా యోచనతో ..వెచ్చించి ఆకలి కడుపులు నింపవలసిన  ప్రస్తుత క్లిష్ట దశలో యింతటి నిర్లక్ష్య వైఖరి క్షమార్హం  ఎంత మాత్రం కాదు.కాదు.కాదు.